დედამიწას გიგანტური ასტეროიდი უახლოვდება
ნასას სპეციალისტებმა აღმოაჩინეს გიგანტური ასტეროიდი, რომელიც დედამიწას 31 ოქტომბერს რეკორდულად ახლო მანძილზე მიუახლოვდება. სააგენტოს ინფორმაციით, ციური სხეული უჩვეულოდ მაღალი სიჩქარით - 35კმ/წმ-ში მოძრაობს.მკვლევარები აღნიშნავენ, რომ ასტეროიდი დედამიწას 499 ათასი კილომეტრის დაშორებით ჩაუვლის.
ასტეროიდის დიამეტრი 280-დან 620 მეტრს შეადგენს. პროგნოზის თანახმად, ციური სხეული დედამიწისთვის საფრთხეს არ წარმოადგენს, ბოლოს უდიდესმა ასტეროიდმა ჩვენს პლანეტას ძალიან ახლოს 2006 წელს ჩაუარა. მსგავსი მოვლენა 2027 წლის აგვისტოში მოხდება.