სამედიცინო ასოციაციების გაერთიანებას ახალი თავმჯდომარე ყავს. გაერთიანების წესდების თანახმად, მორიგი ვადით გაერთიანებას საქართველოს ონკოლოგთა ასოციაციის პრეზიდენტი რეზო გაგუა უხელმძღვანელებს. მან ამ პოზიციაზე მეან-გინეკოლოგთა ასოციაციის პრეზიდენტი თენგიზ ასათიანი შეცვალა. გადაწყვეტილება გაერთიანების სხდომაზე დამტკიცდა. ამავე სხდომის გადაწყვეტილებით მსოფლიო ჯანდაცვის ორგანიზაციის 69-ე ასამბლეაზე დაწესებულ ხუთ საკონკურსო ნომინაციაზე საქართველოსგან წარსადგენ კანდიდატურებს, ჯანდაცვის სამინისტროს სამედიცინო ასოციაციების გაერთიანება მიაწვდის, გამარჯვებულებს კი ასამბლეის სპეციალური კომისია 2016 წლის მაისში ჟენევაში გამოავლენს.

ამავე სხდომაზე მოისმინეს გაერთიანების მულტიდისციპლინური კომისიის მიერ, საყოველთაო ჯანდაცვის პროგრამის ფარგლებში პაციენტებისთვის გაწეული სამედიცინო დახმარების შემთხვევებზე მომზადებული რეცენზიები. შემუშავდა შესაბამისი რეკომენდაციები, რომელიც უახლოეს დღეებში ჯანდაცვის სამინისტროს წარედგინება.