რონალდუ ”ოქროს ბურთის” მფლობელი მეოთხედ გახდა
პორტუგალიელი ფეხბურთელი, მადრიდის ”რეალის” თავდამსხმელი კრიშტიანუ რონალდუ ”ოქროს ბურთის” მფლობელი მეოთხედ გახდა.
31 წლის ფეხბურთელი დაჯილდოვების ცერემონიას არ ესწრებოდა, რადგან ის ამჟამად იაპონიაში იმყოფება.
მანამდე რონალდუმ ”ოქროს მედალი” 2008, 2013 და 2014 წლებში მოიპოვა, პრემიის ნომინანტებს შორის კი რვაჯერ იყო წარდგენილი.
”ოქროს ბურთის” რაოდენობის მიხედვით რეკორდი არგენტინელ ფეხბურთელს, ”ბარსელონას” თავდამსხმელს ლიონელ მესის ეკუთვნის, მან ყველა ფეხბურთელისთვის საოცნებო ჯილდო 2009, 2010, 2011, 2012 და 2015 წლებში მიიღო.
