„სილქნეტმა“ საქველმოქმედო სატელეფონო მომსახურების გასაწევად ნუმერაციის რესურსი მიიღო
საქართველოს კომუნიკაციების ეროვნულმა კომისიამ სს „სილქნეტს“ ნუმერაციის რესურსით სარგებლობის ნებართვა საქველმოქმედო სატელეფონო მომსახურების უზრუნველსაყოფად მიანიჭა.
ნუმერაციის რესურსი - 901 -121 210 - 901 121 219 (სულ ათი სააბონენტო ნომერი) ინტელექტუალური ქსელებით, დამატებული ღირებულების (საქველმოქმედო) მომსახურების უზრუნველსაყოფად არის განსაზღვრული. ნებართვა, რომლის გეოგრაფიული ზონა საქართველოს მთელი ტერიტორიაა, უვადოა და ექვემდებარება ყოველწლიურ განახლებას.