ვირჯინიის კუნძულებზე დასასვენებლედ მყოფი ამერიკის ექს-პრეზიდენტის ბარაკ ობამას ფოტოსურათებმა სოციალურ ქსელში საერთო მღელვარება გამოიწვია. ფოტოები მილიარდერ რიჩარდ ბრენსონთან სტუმრობისას არის გადაღებული.

”რვაწლიანი საპრეზიდენტო ვადის შემდეგ, რომელიც ისტორიულ ეკონომიკურ კრისიზთან ერთად დაიწყო და მისი პარტიის ისტორიული მარცხით დასრულდა, ბარაკ ობამამ დროებით დასვენება დაიმსახურა. ყოფილი პრეზიდენტის ფოტოებმა სოციალურ ქსელში სხვადასხვა რეაქციების ტაიფუნი გამოიწვია”, - წერს ინტერნეტ-გამოცემა  CNet-ი.

ზოგიერთმა მომხმარებელმა ფოტოების ნახვის შემდეგ დაასკვნა, რომ მათთვის გასაგებია თუ რას გრძნობენ წყვილები განშორების შემდეგ, როდესაც ერთ-ერთ შეყვარებულს ყველაფერი კარგად აქვს, მეორეს კი - პირიქით.

”ბარაკ ობამა ცხოვრებით ტკბება, მე კი თავს ეჭვიანი ყოფილი ცოლივით ვგრძნობ”, - წერს ერთ-ერთი მომხმარებელი Facebook-ზე.

”თითქოს მას თავისი საპრეზიდენტო ვადის ნახევარი არდადეგებზე არ გაეტარებინოს”, -წერს მეორე მომხმარებელი.

Twitter-ის სხვა მომხმარებელი კი ექს-პრეზიდენტის გამო ძალიან გახარებული დარჩა.

”შენი სახე, როდესაც ბოლოსდაბოლოს თავი დააღწიე მძიმე სამუშაოს და ყველა ამბობს , რომ ანათებ”, - წერს ერთ-ერთი მათგანი.

ბევრმა კი უბრალოდ აღნიშნა, რომ ის ძალიან მოენატრა.