მიხეილ გიორგაძე ”ნიჭიერთა ათწლედის“ წარმატებულ მოსწავლეებს უმასპინძლებს
დღეს,23 სექტემბერს, 17:00 საათზე, საქართველოს კულტურისა და ძეგლთა დაცვის მინისტრი თბილისის ზაქარია ფალიაშვილის სახელობის ცენტრალური სამუსიკო სკოლის „ნიჭიერთა ათწლედის“ მოსწავლეებს უმასპინძლებს. მიხეილ გიორგაძე ახალგზარდა მუსიკოსებს სხვადასხვა ფესტივალსა და კონკურსში წარმატებულ გამოსვლას პირადად მიულოცავს და 35 მოსწავლეს საქართველოს კულტურისა და ძეგლთა დაცვის სამინისტროს მადლობის სიგელს გადასცემს. შეხვედრას „ნიჭიერთა ათწლედის“ მოსწავლეთა კონცერტი დაასრულებს.
