ამერიკელი და ბრიტანელი ტურისტები მექსიკის სანაპიროზე ნიანგებთან ერთად ცურავდნენ და კადრებს ვიდეოკამერით იღებდნენ.

როგორც Daily Mail-ი წერს, ლონდონელი ენდრიუ ტრეისი და კოლორადელი უილიამ დრამი დაივინგით იყვნენ დაკავებულნი იუკატანის ნახევრაკუნძულის სანაპიროზე. ტურისტების თქმით, წყალში ისინი 12 ნიანგს შეხვდნენ. მათგან ყველაზე დიდი ნიანგის სიგრძე ოთხ მეტრს აღწევდა.

ტურისტებთან ერთად იმყოფებოდა სპეციალისტი, რომელიც მათთან მიახლოებულ მტაცებლებს მოშორებით იტყუებდა.

ენდრიუ ტრეისი იხსენებს, რომ რეპტილიებთან შეხვედრის დროს ძლიერ შეეშინდა, თუმცა ამის მიუხედავად მან მტაცებლებისთვის თვალებში ჩახედვა მაინც მოახერხა.