თუ ნიკა გვარამია დარჩება უმუშევარი, დიდად არ შევწუხდები, რადგან მედიის თავისუფლებას არაფერი ემუქრება, - განაცხადა ”პრაიმნიუსჯორჯიასთან” ინტერვიუში უფლებადამცველმა, ლია მუხაშავრიამ.

მისი თქმით, ტელეკომპანია „რუსთავი2“-ის  მესაკუთრის ცვლილებით, რადგან მედიის თავისუფლებას არაფერი ემუქრება

”არ ვფიქრობ, რომ რაიმე არსებითად შეიცვლება, რადგან მესაკუთრის ცვლილება ტელევიზიაში არ ნიშნავს, რომ ჟურნალსიტებს სამსახურიდან დაითხოვენ, განსაკუთრებით იმ გამოცდილებულ პროფესიონალებს, რომლებიც საკმაოდ ბევრი ჰყავს ამ კომპანიას. ძალიან კარგად მესმის, რომ მათი კვალიფიკაციისა და პროფენსიონალიზმის გათვალისწინებით, აღდგენილი მესაკუთრე არ შეეცდება მათ სამსახურიდან გაშვებას.   გენერალური მენეჯრის შეცვლით, არა მგონია „რუსთავი2“ ძალიან დაზარალდეს, რადგან ნიკა გვარამია ტელევიზიის სფეროში პროფესიონალი არ ყოფილა, ისე გახდა გენერალური მენეჯერი და მოვალეობას „წარმატებით“ ართმევდა თავს. ეს ხდებოდა იმის გამო, რომ ამ არხზე დიდი ხნის განმავლობაში მუშაობდნენ პროფესიონალები და ისინი ჩამოყალიბდნენ ისეთ გუნდად, რომელსაც გენერალური მენეჯერის ცვლილება არ ეტყობა ხოლმე და არც ახლა შეეტყობა.

შეიძლება, სარედაქციო პოლიტიკაც მცირედ შეიცვალოს, მაგრამ ეს არ იქნება ძალიან თვალში საცემი. თუ, ნიკა გვარამია დარჩება უმუშევარი, დიდად არ შევწუხდები, რადგან მედიის თავისუფლებას არაფერი ემუქრება და არც იურისტთა საზოგადოებას დააკლდება რამე. რაც ეხება ქვეყანაში არსებულ ვითარებას, არც ამ კუთხით შეიცვლება არაფერი, როგორი ჭაობიც გვქონდა, ისეთივე ჭაობში ვიქნებით. ამ წლის განმავალობაში მოვლენების დაჩქარებას არ ველოდები, ვიდრე საარჩევნო მარათონი არ დაიწყება”, - განაცხადა ”პრაიმნიუსჯორჯიასთან” ინტერვიუში მუხაშავრიამ.

.