კომპანია „ჯორჯიან უოთერ ენდ ფაუერში“ ზამთრის სეზონისთვის მზადება მიმდინარეობს. ამ მიზნით, ნოემბრის ბოლომდე, კომპანია რიგი ტექნიკური ღონისძიებების გატარებას გეგმავს.

კერძოდ, დღეს, კომპანია დიღმის ველზე გამავალ 1200 მმ-იან მაგისტრალზე სარეაბილიტაციო სამუშაოებს დაასრულებს და მაგისტრალის განახლებულ მონაკვეთს თბილისის წყალსადენის სისტემასთან მიაერთებს.

სარეაბილიტაციო სამუშაოების ჩატარების მიზნით, დღეს, 18:00 საათამდე წყალმომარაგება შეწყვეტილი აქვს: წეროვანის ლტოლვილთა დასახლებას, მცხეთის ნაწილს, სოფ. წიწამურს, ზაჰესის დასახლების ნაწილს, დიღომი 7-ს დასოფელ დიღომს.

დღეს, 18:00 საათამდე წყალს გრაფიკით იღებს: ვაჟა-ფშაველას კვარტლები, ნუცუბიძის ქუჩა და მ/რაიონები, ასათიანის, ზაქარიაძის, ქავთარაძისა და მათი მიმდებარე ქუჩები, ვაჟა-ფშაველას, ყაზბეგისა და  ჭავჭავაძის გამზირების ნაწილი.

ასევე, დღეს, 11:00-დან 22:00 საათამდე წყალმომარაგება შეუწყდება:

წყნეთის გზატკეცილს, ბაგებს, სოფლებს - წყნეთი, ახალდაბა, კიკეთი, კოჯორი, ტაბახმელა, წავკისი, შინდისი.

დროის აღნიშნულ მონაკვეთში კი წყალს გრაფიკით მიიღებს:

ვაკისა და მთაწმინდის რაიონების ზოგიერთი ქუჩა.

„ჯორჯიან უოთერ ენდ ფაუერი“ შექმნილი დისკომფორტისთვის ბოდიშს უხდის მომხმარებლებს და შეეცდება სამუშაოების ჩატარება შესაძლებლად მოკლე დროში დაასრულოს.