”პანორამა თბილისის” საკითხის წამოწევა, თანაც ასეთი სიმწვავით, ჩემთვის პირადად გაუგებარა, - განაცხადა კულტურის მინისტრმა მიხეილ გიორგაძემ მთავრობის სხდომის დაწყებამდე, პანორამა თბილისის შესახებ საერთაშორისო ორგანიზაციების წერილზე.

“ პანორამა თბილისის პროექტმა თავის დროზე ძალიან ბევრი ექსპერტის ხელში გაიარა. მერიაში განხილვები გამჭვირვალედ და ღიად ჩატარდა, რომელშიც მათ შორის, არასამთავრობო ორგანიზაციებიც მონაწილეობდნენ. ამ რეკომენდაციების და შენიშვნების შემდეგ, რომელიც გამოთქმული იყო ექსპერტების მიერ, მათ შორის დამოუკიდებელი ექსპერტების მიერ, იყო მიღებული გადაწყვეტილება ამ პროექტის დამტკიცებასთან დაკავშირებით. ყველას ჰქონდა საშუალება, რომ თავისი შენიშვნა ან კორექტირება დაეფიქსირებინა ამ პროექტთან დაკავშირებით, რაც თავის დროზე გაკეთდა. ახლა თავიდან ამ საკითხის წამოწევა, თანაც ასეთი სიმწვავით, ჩემთვის პირადად გაუგებარი”, - განაცხადა გიორგაძემ.