ვიდეოჩანაწერმა, სადაც არაბი მოდელი ჰულუდი მოკლე კაბითა და ტოპით უშაიკირის უძველეს ციხესიმაგრეში სეირნობს, საუდის არაბეთში სკანდალი გამოიწვია. ვითარებას განიხილავენ ჟურნალისტები და მწერლები. ქვეყნის ხელისუფლებამ კი გამოძიება დაიწყო.

საუდის არაბეთში ქალების უფლება შარიათით განისაზღვრება. ქალებმა უნდა ატარონ სამოსი, რომელიც მათ თავიდან ფეხებამდე ფარავს,

ვიდეოში, რომელიც Snapchat-ში გავრცელდა, გოგონა უშაიკირში სამოსით  სეირნობს, რომელიც საუდის არაბეთში აკრძალულია. ჩანაწერმა სოციალურ ქსელში კამათი გამოიწვია: ზოგიერთმა მოდელი გამბედაობისთვის შეაქო, ზოგმა კი მისი დააპატიმრება მოითხოვა.

ჟურნალისტმა ჰალედ ზიდანმა განაცხადა, რომ რელიგიური პოლიციის დაბრუნება აუცილებელია, მწერალმა და ფილოსოფოსმა ვაელ ალ-ჰასიმმა კი დაწერა, რომ ის გოგონას მისამართით გამოთქმულმა შეურაცხმყოფელმა განცხადებებმა აღაშფოთა.

უშაიკირის ოფიციალურმა ხელისუფლებამ პროვინციის გუბერნატორსა და პოლიციას ზომების გატარება მოსთხოვა.

უნდა აღინიშნოს, რომ სოფელი, სადაც ციხისიმაგრეა, ერთ-ერთ კონსერვატიულ რეგიონში მდებარეობს. სწორედ ამ რეგიონში დაიბადა ვაჰაბიზმის ფუძემდებელი  მუჰამედ იბნ აბდ ალ-ვაჰაბი.