ბარსელონაში სარკინიგზო ავარიის შედეგად 54 ადამიანი დაშავდა.
გავრცელებული ინფორმაციით, ავარია ძალიან მასშტაბური იყო. დაშავებულთა უმეტესობას სერიოზული ტრავმები არ აღენიშნებათ. ერთი დაშავებულის მდგომარეობა მძიმეა.
ინციდენტი დილით რკინიგზის ფრანგულ სადგურზე მოხდა. სანტ-ვინსენს- დე კალდერსის სადგურიდნ გამოსული მატარებელი ცხვირით პლატფორმას დაეჯახა.  

წინასწარი ვერსიით, მემანქანემ დამუხრუჭება ვერ მოასწრო, სარკინიგზო კომპანია Renfe-ში მომხდარის მიზეზებზე კომენტარი ჯერ არ გაუკეთებიათ.

ინციდენტის ადგილი პოლიციელების მიერ არის შემოსაზღვრული, თუმცა ვაგზალი მუშაობას ჩვეულ რეჟიმში განაგრძობს.