ოკუპირებულ აფხაზეთში აფეთქების შედეგად სამ დაკარგულს ეძებენ
ოკუპირებულ აფხაზეთში გუდაუთაში, სადაც საბრძოლო მასალები აფეთქდა, სამ ადამიანს ეძებენ.
საბრძოლო მასალები აფხაზეთის ე.წ. თავდაცვის სამინისტროს საწყობში გუშინ აფეთქდა. დაშავდა 60-ზე მეტი ადამიანი, მათგან 27 რუსეთის მოქალაქეა.
ჯერჯერობით უცნობია დაკარგულების ვინაობა.
მსხვერპლის შესახებ ინფორმაცია არ ვრცელდება.