მადრიდი ბარსელონასგან განმარტებებს ითხოვს
ესპანეთის ხელისუფლება კატალონიის ხელმძღვანელობისგან იმის განმარტებას ითხოვს, გამოაცხადა თუ არა ჟენერალიტეტმა რეგიონის დამოუკიდებლობა.
ოფიციალური განცხადება პრემიერმა მარიანო რაჰოიმ გააკეთა. იმ შემთხვევაში თუ კატალონიას დამოუკიდებლობა აქვს გამოცხადებული, მადრიდი კონსტიტუციის 155-ე მუხლს აამოქმედებს და კატალონიას თვითმმართველობას ჩამოართმევს.
დამოუკიდებლობის დეკლარაციას ჟენერალიტეტის პრეზიდენტმა კარლეს პუჩდემონმა ხელი გუშინ მოაწერა, თუმცა პარლამენტს მოუწოდა, დამოუკიდებლობის გამოცხადება გადადონ.