პაკისტანელი მუჰამედ სამირი თავს 180 გრადუსით ატრიალებს. ამის შესახებ Daily Pakistan-ი იუწყება.
ქალაქ ყარაჩში მცხოვრები 14 წლის მოზარდის მტკიცებით, ეს არა თანდაყოლილი პათოლოგია, არამედ ბევრი ვარჯიშის შედეგია.

სამირის თქმით, როდესაც ექვსი წლის იყო, ჰოლივუდის საშინელებათა ფილმში ნახა სცენა, სადაც პერსონაჟი თავს სწორედ ასე ატრიალებდა. ამის შემდეგ მან დაიწყო რეგულარული ვარჯიში და რამდენიმე თვის შემდეგ თავის მიზანს მიაღწია.

სამირის დედა ცდილობდა, მისთვის ვარჯიში აეკრძალა. მაგრამ დროთა განმავლობაში მიხვდა, რომ ეს მისი შვილისთვის ღვთის საჩუქარი იყო.

მოზარდმა სწავლას თავი დაანება და საცეკვაო ჯგუფს შეურთდა, რათა ფული გამოიმუშაოს და ოჯახს ფინანსურად დაეხმაროს, რადგან მამამისი ავად არის და მუშაობა აღარ შეუძლია.