სახეზე ნაოჭები უცებ არ ჩნდება. ისინი წარმოიქმნებიან არასწორი მოვლის შედეგად: პატარა ხაზები ნელ-ნელა ღრმავდებიან, რომელთა დამალვაც შემდეგ შეუძლებელი ხდება. ახალგაზრდობისა და სილამაზის შესანარჩუნებლად საკმარისია სპეციალისტების რამდენიმე რჩევას დაუჯეროთ.

1. ძილი

ძილი _ ეს ბუნებრივი პროფილაქტიკაა ჯანმრთელობისა და სილამაზისთვის. ძილისთვის ყველაზე საუკეთესო დროა საღამოს 9 საათიდან ღამის 2 საათამდე. სწორედ ამ დროს ორგანიზმი მთლიანად აღიდგენს ძალებს. კანის რეგენერაციის პროცესი მხოლოდ ღამით ხდება. სრულფასოვანი ძილის არარსებობის შემთხვევაში კოლაგენის გამომუშავება ირღვევა.

2. შეარჩიეთ შესაფერისი თეთრეული და ძილისთვის მოსახერხებელი პოზა

ტოპ-მოდელების ახალგაზრდობის შენარჩუნების საიდუმლო ძალიან მარტივია: მათ უმეტესობას ცხოვრება აბრეშუმის თეთრეულის გარეშე ვერ წარმოუდგენია. აბრეშუმთან კანის ხახუნი მინიმალურია, ამიტომ კანი მნიშვნელოვნად ისვენებს და არ ტრავმირდება. თუ აბრეშუმი თქვენთვის წარმოუდგენელი ფუფუნებაა, შეგიძლიათ ის ატლასით შეცვალოთ, ან მხოლოდ აბრეშუმის ბალიშისპირით დაკმაყოფილდეთ.

მნიშვნელოვანია წოლის პოზაც. ხანგრძლივი ძილი მუცელზე ან გვერდზე ნაოჭების ფორმირებას იწვევს, ამიტომ შეეცადეთ, ზურგზე დაწვეთ.

3. მენიუში ჩართეთ ცხიმიანი თევზი

თქვენთვის, ალბათ, ცნობილია მჟავა ომეგა 3-ის სასარგებლო თვისებების შესახებ. დარწმუნდით რომ თქვენს რაციონში შედის ორაგული, ვირთევზა და პალტუსი. სწორედ თევზის ეს სახეობები შეიცავს მჟავა ომეგა 3-ს, რომელიც აფერხებს ნაოჭების წარმოქმნას.

4. თქვენი კანი გაამდიდრეთ С ვიტამინით

თქვენს მენიუში აუცილებლად უნდა იყოს ბოსტნეული და ხილი, რომლებიც С ვიტამინს შეიცავს. შეარჩიეთ კოსმეტიკური პროდუქცია, რომელიც გაჯერებულია С ვიტამინით. ეს ვიტამინი არა მხოლოდ აძლიერებს იმუნიტეტს, არამედ იცავს უჯრედებს ნაადრევი დაბერებისგან და ააქტიურებს კანის რეგენერაციას.

5. გამოიყენეთ მხოლოდ ის კოსმეტიკური საშუალებები, რომლებიც შეიცავს ალფა-მჟავას

ზამთარი ოპტიმალური დროა იმისთვის, რომ გამოიყენოთ ის კოსმეტიკური საშუალებები, რომლებიც შეიცავს ალფა-მჟავას. ზამთარში კანს ისე ძლიერად არ აზიანებს ულტრაიისფერი სხივები, როგორც ზაფხულში. მჟავას პილინგი მიმიკური ნაოჭების კორექტირების საუკეთესო მეთოდია და ახალი ნაოჭების გაჩენას აფერხებს.