როგორც კი დავრწმუნდებით, რომ მიხეილ სააკაშვილმა უკრაინის მოქალაქეობა მიიღო და საბუთები აქვს, საქართველოს მოქალაქეობა მყისიერად შეუწყდება , - ამის შესახებ იუსტიციის მინისტრმა თეა წულუკიანმა განაცხადა.

მინისტრის განმარტებით, აღნიშნულ საკითხთან დაკავშირებით კანონით დადგენილი პროცესი მიმდინარეობს.

"ჩვენ ამჟამად უკრაინის ხელისუფლებისგან ველოდებით პასუხს, ნამდვილად მიიიღო თუ არა მიხელ სააკაშვილმა უკრაინის მოქალაქეობა. ეს ალბათ ნამდვილად ასეა, რადგან ბატონ პოროშენკოს ვებგვერდზე გამოქვეყნებულია გადაწყვეტილება მოქალაქეობის მინიჭების შესახებ. თუმცა ყოველგვარი რისკი უნდა გამოირიცხოს იმისა, რომ მოქალაქეობა არ შესულა ძალაში. მოგეხსენებათ, ოდესის გუბერნატორი უცნაური განცხადებებით გამოირჩევა, რომლის საფუძვლიანობის შემოწმება არავის ძალუძს. ამიტომ როგორც კი დავრწმუნდებით, რომ მიხეილ სააკაშვილმა უკრაინის მოქალაქეობა მიიღო და საბუთებიც აქვს, საქართველოს მოქალაქეობა მყისიერად შეუწყდება. ამას ქართული კონსტიტუცია და კანონი ითხოვს", - განაცხადა თეა წულუკიანმა.