მეგან მარკლის კაბა 30 დოლარად იყიდება
ბრიტანული ონლაინ-მაღაზია Boohoo ყიდის სასექსის ჰერცოგინიას მეგან მარკლის კაბის ასლს, რომელიც მას 19 მაისს საღამოს წვეულებაზე ეცვა. ამის შესახებ Metro იუწყება.
Boohoo-ს საიტზე კაბა სამ ფერშია წარმოდგენილი: თეთრ, წითელ და იასამნისფერ ფერებში. მისი ღირებულება კი მხოლოდ 30 დოლარს შეადგენს.
ქორწილის ოფიციალურ ცერემონიაზე მეგან მარკლს ფრანგული მოდის სახლის Givenchy-ს კაბა ეცვა, რომელიც ფემინისტმა დიზაინერმა კლერ უეიტ კელერმა შექმნა. საღამოს სამოსი კი ბრიტანელ მოდელიორს სტელა მაკარტნის ეკუთვნის.
