კანადაში ქალს თვითმფრინავიდან ჩამოცვენილი ფეკალიები თავზე დაეყარა. ქალს ბინძური მასა თვალებში მოხვდა, რამაც კონიუქტივიტი გამოიწვია. ინციდენტის შესახებ გამოცემა The Star-ი წერს.

სიუზან ალანი თავის 21 წლის ვაჟთან ერთად შუქნიშანთან ავტომობილით იყო გაჩერებული და თავის გზას ელოდებოდა. ექსკრემენტები ჯერ იქვე მდგარ ავტომობილს დაეცა, შემდეგ კი სიუზანს თავზე დაეყარა. ქალის თქმით, სალონში ფეკალიები მისი მანქანის გახსნილი ლუქიდან ჩაცვივდა.

დაზარალებული ადგილობრივი ხელისუფლებისგან სულ მცირე ბოდიშის მოხდასა და მკურნალობის კომპენსაციას  მოითხოვს. სიუზანმა ადგილობრივ აეროპორტს მიმართა, რის შემდეგაც საქმე კანადის ტრანსპორტის სააგენტოს გადაეცა. უწყებამ გამოძიების ფაქტი დაადასტურა, თუმცა აღნიშნა, რომ დეტალებზე საუბარი ჯერ არ შეუძლია.