59 წლის მომღერალი მადონა თავის თაყვანისმცემლების გაოცებას განაგრძობს. მისმა განცხადებამ იმის შესახებ რომ მალე საქორწილო კაბას მესამედ ჩაიცვამს, სოციალური ქსელი ააფეთქა. მადონამ Instagram-ზე გამოაქვეყნა სელფი წარწერით: „მე პატარძალი ვიქნები. ვთხოვდები. საოცარია“.

მადონას რჩეული 32 წლის პორტუგალიელი მოდელი კევინ სამპაიოა. მომღერალმა რამდენიმე თვის წინ მასთან თავისი ნივთები გადაიტანა, შემდეგ კი შვილებიც წაიყვანა.

მანამდე მადონა ორჯერ იყო გათხოვილი. მისი პირველი ქმარი მსახიობი შონ პენი იყო. შემდეგ კი ცოლად გაყვა გაი რიჩის, რომელთანაც ვაჟი როკო შეეძინა. ექვსი წლის შემდეგ მათ შორის უთანხმოება დაიწყო, კიდევ ორი წლის შემდეგ კი ცოლ-ქმარი ოფიციალურად განქორწინდა.

როკო რიჩის გარდა მადონას ყავს ქალიშვილი ლურდეს ლეონი, რომელიც ფიტნეს-მწვრთნელ კარლოს ლეონისგან ქორწინების გარეშე შეეძინა, ასევე ყავს ოთხი აყვანილი შვილი - დევიდი, მერსი და ტყუპები სტელა და ესთერი.