საქართველო - ლატვია 1:0 - საქართველოს ნაკრების კიდევ ერთი გამარჯვება
საქართველოს ნაკრებმა ზედიზედ მეორე გამარჯვება მოიპოვა ერთა ლიგაში - ქართველმა ფეხბურთელებმა ყაზახეთის შემდეგ, ლატვიის ნაკრებიც დაამარცხეს.
მატჩმა საქართველოს ნაკრების სრული უპირატესობით ჩაიარა, ხოლო სტუმრები შეტევაზე ძალიან იშვიათად გადადიოდნენ.
ბალტიისპირელები მთელი მატჩის განმავლობაში თავს იცავდნენ, მაგრამ ვლადიმირ ვაისის გუნდმა მაინც შეძლო უმნიშვნელოვანესი 3 ქულის მოპოვება. გამარჯვების გოლი თორნიკე ოქრიაშვილმა პენალტით გაიტანა. შედეგად ჩვენმა ნაკრებმა ჯგუფში ერთპიროვნული ლიდერობა განიმტკიცა.
