ამერიკის კოსმოსურმა სააგენტო NASA-მ რობოტი InSight-ი მარსზე წარმატებით დასვა. ეს თბილისის დროით 23:50 საათზე მოხდა. 

მოწყობილობა შემუშავდა წითელი პლანეტის სტრუქტურისა და ბირთვიდან ზედაპირამდე მისი აგებულების ღრმა შესწავლის მიზნით.

ეს უკვე მეცხრე რობორტია, რომელიც მარსზე გაგზავნეს.  მასაც, როგორც ყველა მის წინამორბედს „საშინელებათა 7 წუთი“ უნდა გაევლო. ეს ის დროა, რომლის განმავლობაშიც აპარატი მაღალი სიჩქარით შედის პლანეტის  ატმოსფეროში დ მაშინვე დრამატულად ანელებს თავის მოძრაობას, რათა ზედაპირზე შეუფერხებლად დაეშვას.

InSight-მა ამოცანას თავი წარმატებით გაართვა და  თავგადასავლის შესახებ პარალელურად თავის Twitter-ის გვერდზეც დაწერა. რობოტის წარმატებულ დაშვებას ადასტურებს პირველი ფოტოც, რომელიც რობოტმა მარსიდან გამოგზავნა.

 „ჩემი პირველი ფოტო მარსზე! ჩემი ობიექტივი ჯერ კიდევ გაუხსნელია, მაგრამ მე მაინც უნდა გაჩვენოთ ჩემი ახალი სახლი“, - წერს რობოტი. InSight-ის მისია 728 დღეს გაგრძელდება.