ვიტალი დარასელიას გარდაცვალებიდან 36 წელი გავიდა. ცნობილი ქართველი ფეხბურთელი ვიტალი დარასელია 1982 წლის 13 დეკემბერს გარდაიცვალა.

2011 წლის 17 მაისს საქართველოს სპორტისა და ახალგაზრდობის საქმეთა სამინისტროს გადაწყვეტილებით, თბილისის „დინამოს“ მიერ თასების მფლობელთა თასის მოპოვების 30 წლის იუბილესთან დაკავშირებით 1981 წლის თბილისის „დინამოს“ სრულ შემადგენლობასა და სამწვრთნელო შტაბთან ერთად — ვიტალი დარასელიას საქართველოს სპორტის რაინდის წოდება მიენიჭა.

თავისი კარიერის ძირითადი ნაწილი დინამოში გაატარა. უეფა-ს თასების მფლობელთა თასის 1980–81 წლების გათამაშების ფინალში, მატჩის დასრულებამდე სამი წუთით ადრე, „კარლ ცაისის“ კარში გაიტანა გადამწყვეტი გოლი და გუნდს გამარჯვება მოუტანა.

დაიღუპა ტრაგიკულად ავტოკატასტროფაში.

2007 წელს მისი დაღუპვიდან 25 წლისთავზე ვეტერანებმა მის პატივსაცემად მატჩი გამართეს. ოჩამჩირეს ადგილობრივი სტადიონი სწორედ დარასელიას სახელს ატარებს.

მისი შვილი, ვიტალი დარასელია უმცროსი ასევე ფეხბურთელი იყო, ახლა მწვრთნელია.