კვერცხის ფოტომ Instagram-ზე ლაიქების რეკორდი მოხსნა
ქათმის კვერცხის ფოტომ Instagram-ზე 26 მილიონზე მეტი ლაიქი მოაგროვა და სოციალურ ქსელში მსოფლიო რეკორდი დაამყარა.
ფოტო @world_record_egg-ის ანგარიშში გამოქვეყნდა, რომლის შემქმნელმაც პირდაპირ განაცხადა, რომ სურდა მოდელ კაილი ჯენერის პოსტის რეკორდი მოეხსნა, სადაც მისი ახალშობილი ქალიშვილი იყო აღბეჭდილი.
„მოვხსნათ მოქმედი რეკორდი, რომელიც კაილი ჯნერს ეკუთვნის (18 მლნ)“, - აღნიშნა მან.
მედია წერს, რომ ანგარიშის მფლობელმა თავისი ვინაობის გამხელა არ ისურვა.