პიტერ ფარელის ფილმმა „მწვანე წიგნი“ წლის საუკეთესო ფილმის“ კატეგორიაში ოსკარის პრემია მიიღო.

 „ეს არის მოთხრობა სიყვარულზე, იმაზე, თუ როგორ გვიყვარს ერთმანეთი ჩვენს შორის არსებული განსხვავების მიუხედავად“, - განაცხადა რეჟისორმა ჯილდოს მიღებისას.

საუკეთესო ფილმის კატეგორიაში ასევე წარდგენილი იყო „რომა“,
„ფავორიტი“, „შავი ავაზა“, „ძალაუფლება“, „შავი კუკლუსკლანელი“ „ვარსკვლავი დაიბადა“ და „ბოჰემური რაფსოდია“.

მანამდე „მწვანე წიგნმა“ მიიღო აშშ-ის პროდიუსერების გილდიის ჯილდო. აღსანიშნავია, რომ ბოლო ხანს პროდიუსრების გილდიის ჯილდოს მფლობელები „ოსაკრის“ გამარჯვებულები ხშირად ხდებიან.

ლოს ანჯელესში გაიმართა დაჯილდოების 91-ე ცერემონია.

წელს კინოაკადემიამ ჯიდლოები შემდეგნაირად გადაანაწილა:

 „მამაკაცის საუკეთესო როლსის შესრუილებისთვის“ ჯიდლო გადაეცა რამი მალეკს, რომელმაც „ბოჰემურ რაფსოდიაში“ ფრედი მერკურის როლი შეასრულა.

 „ქალის როლის საუკეთესო შესრულებისთვის „ოსკარის“ პრემია მიიღო ოლივია კოლმანმა ფილმ „ფავორიტისთვის“.

ნომინაციაში „საუკეთესო ფილმი უცხოურ ენაზე“ გაიმარჯვა მექსიკურმა ფილმმა „რომამ“.

მამაკაცის მეორეხარისხოვანი საუკეთესო როლისთვის პრიზი მოიპოვა მახერშალა ალიმ ფილმში „მწვანე წიგნი“.

ნომინაციაში „ქალის მეორეხარისხოვანი საუკეთესო როლი“ -გაიმარჯვა რეჯინა კინგმა.