საქართველოს სამეფო ნაციონალური ბალეტის დამაარსებელმა და სამხატვრო ხელმძღვანელმა  გელა ფოცხიშვილმა უარყო მედიაში გავრცელებული ინფორმაცია იმის შესახებ, რომ რუსეთში გასტროლების გამართვამდე რუს მოსახლეობას ოკუპანტები უწოდა. ამის შესახებ მან „ტასთან“ ინტრევიუში განაცხადა.

მედიაში გავრცელდა ინფორმაცია, რომ კრემლში, 10 აპრილს დაგეგმილ კონცერტამდე ფოცხიშვილმა განაცხადა, რომ ბალეტი თავისი გამოსვლით „ოკუპანტებს დაანახებდა, რომ მათ შეუძლიათ“. რუსეთის კულტურის მინისტრმა ვალდიმირ მედინსკიმ თავის წარმომადგენლებს ამ ინფორმაციის გადამოწმება დაავალა.

 „ჩვენი რეკლამების გამოჩენის შემდეგ, მკითხეს: თქვენ მიდიხართ რუსეთში, კრემლის სასახლეში?“ მე დავუდასტურე. მაშინ მათ მკითხეს: „ოკუპანტებთან მიდიხართ?“ მე ამ შეკითხვისთვის არაფერი მიპასუხია. უბრალოდ მივდივართ გასტროლებზე, რათა ვაჩვენოთ ქართული კულტურა. შემდეგ კი ყველაფერი უკუღმა ამოაყირავეს“, - განაცხადა ფოცხიშვილმა

საქართველოს სამეფო ნაციონალური ბალეტი რუსეთში 12 კონცერტს გამართვას - მოსკოვში, სანქტ-პეტერბურგში, ჩელიაბინსკში, სურგუთში, ნოვოკუზნეცკში, ტომსკში, კრასნოაირსკში, ბრატსკში, უსოლიე-სიბირსკში, ჩიტაში, იაკუტსკსა და კალინინგრადში.

შოუ „ქართული ცეცხლი“, სპექტაკლია, სადაც საცეკვაო ნომრები გაერთიანებულია სიუჟეტით. „ეს არის მოგზაურობა საქართველოში: ვიწყებთ უძველესი კოლხეთიდან, აჭარიდან, შემდეგ ვაგრძელებთ სხვადასხვა რეგიონის ცეკვებით. მეორე განყოფილებაში მაყურებლებს ელით თბილისის სურათები, სადაც ცხოვრობდნენ რუსები, სომხები და აზერბაიჯანელები“, - აღნიშნა ფოცხიშვილმა.