ჰოლივუდის მსახიობმა კიანუ რივზმა, რომელიც კეთილშობილებით არის ცნობილი, თაყვანისმცემლები კიდევ ერთხელ გააოცა და სოციალური ქსელების განხილვის მთავარი თემა გახდა.

ამის მიზეზი მომხმარებლის - კიმ  ლინდსის ფოტოები გახდა, რომელიც მან მიკრობკლოგ „ტვიტერში“ გამოაქვეყნა. ფოტოებზე  მსახიობი  თაყვანისმცემლებთან ერთად არის აღბეჭდილი, სადაც გოგონებს ხელი კიანუს წელზე აქვთ შემოხვეული, თავად მსახიობი კი მათ არც ეხება.

პოსტმა უდიდესი რეზონანსი გამოიწვია. მომხმარებლები ცდილობდნენ გაერკვიათ თუ რატომ არ ეხება ხელით მსახიობი თაყვანისმცემლებს.

მომხამრებელთა დიდი ნაწილის აზრით, მსახიობი ამით თაყვანისმცემლების მიმართ პატივისცემას გამოხატავს, რის გამოც მას თავაზიანობის მეფე უწოდეს. ერთი ნაწილი კი მიიჩნევს, რომ რივზი მორიდებული ადამიანია და გოგონებისთვის ხელის შეხების რცხვენია.