გორის რაიონის სოფელ გუგუტიანთკარში, ოკუპირებულ დისევთან საოკუპაციო ძალების წარმომადგენლებმა ბოძების მონტაჟი დღეს დილიდან განაახლეს.

რუს სამხედროებს ადგილზე მიყვანილი ჰყავთ სპეციალური ტექნიკა. ამასთან, გუგუტიანთკარში საოკუპაციო ხაზის გასწვრივ, რუსი ოკუპანტების ვერტმფრენმაც გადაიფრინა.

ადგილობრივების თქმით, სოფლის სარწყავი არხის სათავე ნაგებობა საქართველოს ცენტრალური ხელისუფლების კონტროლირებად ტერიტორიაზე დარჩა, თუმცა თუ ე.წ. საზღვრის გავლება იმ რუკებით გაგრძელდა, რომელსაც რუსი ოკუპანტები იყენებენ, მოსახლეობა არ გამორიცხავს, რომ სოფლის სასაფლაოს ნაწილიც ოკუპირებულ ტერიტორიაზე მოექცეს.

გუგუტიანკარში იმყოფებიან ევროკავშირის სადამკვირვებლო მისიის წარმომადგენლები.