კინოსაგის „ნათლიმამას“ ვარსკვლავი ჯანი რუსო ამბობს, რომ მსახიობი მერლინ მონრო მისი პირველი სექსუალური პარტნიორი იყო, როდესაც მერლინი 33 წლის იყო, თვითონ კი 15-ის.

75 წლის მსახიობის თქმით, მათი კავშირი მერლინის გარდაცვალებამდე 1962 წლამდე გაგრძელდა. „მან ყველაფერი მასწავლა, რაც დღეს ვიცი. ვფიქრობდი, რომ მსოფლიოში უბედნიერესი ბიჭი ვიყავი. ის, რაც მაშინ მოხდა, დღეს რომ მომხდარიყო, მერლინს დააპატიმრებდნენ, ჩემი მშობლები კი სიტუაციიდან სარგებლის მიღებას შეეცდებოდნენ“, - განაცხადა მან The Sun-თან ინტერვიუში.

მისივე თქმით, მერლინი იმ დროს გაიცნო,როდესაც საპარიკმახეროში მუშაობდა. სალონში რამდენიმე ვიზიტის შემდეგ მონრომ თავის თანაშემწეს სთხოვა რუსოსთან შეხვედრა დაეგეგმა. ჯანი ამბობს, რომ მერლინი მას სასტუმროში შეხვდა. შეხვედრის დროს მას ტანზე მხოლოდ პირსახოცი ჰქონდა შემოხევული და აბაზანაში მასთან ერთად შესვლა სთხოვა.