ძაღლები დადებითად მოქმედებენ პატრონების ჯანმრთელობაზე. ამერიკელი მეცნიერების მტკიცებით, მათ ადამიანებისთვის სიცოცხლის გახანგრძლივებაც კი შეუძლიათ. მკვლევართა სტატია ჟურნალ Circulation: Cardiovascular Quality and Outcomes-ში გამოქვეყნდა.

სპეციალისტების მიერ ჩატარებულმა გამოკვლევამ აჩვენა, რომ სახლში ძაღლის ცხოვრება პატრონების ნაადრევ სიკვდილს 24 პროცენტით ამცირებს.

შესაბამის დასკვნამდე მეცნიერები 10-წლიანი ექპერიმენტის მონაცემების შესწავლის შედეგად მივიდნენ. ამ ექსპერიმენტში 3,8 მლნ ადამიანი მონაწილეობდა.

გაირკვა, რომ განსაკუთრებით სასარგებლოა ძაღლის ყოლა იმ ადამიანებისთვის, რომლებსაც აწუხებთ გულ-სისხლ-ძარღვთა დაავადებები. მათი სიკვდილის რისკი ძაღლის ყოლის შემთხვევაში 31 პროცენტით მცირდება.

კარდიოლოგ დრუვ კაზის თქმით, შინაური ცხოველები პატრონებს ეხმარებიან დაძლიონ დარდი და მარტოობა, ასევე გაიუმჯობესონ თვითშეფასება, განწყობა და მთლიანად ფსიქიკური ჯანმრთელობა.

ამის გარდა, ძაღლის ყოლა ითვალისწინებს ფიზიკურ აქტივობასაც, რადგან ცხოველს ხშირი სეირნობა სჭირდება.

ძაღლის პატრონები სხვებზე მეტად ატარებენ დროს სუფთა ჰაერზე, რაც ასევე პოზიტიურად მოქმედებს ჯანმრთელობაზე. ამასთან, მეცნირები ამტკიცებენ, რომ ძაღლის მოფერების შემდეგაც კი, შესაძლოა, ადამიანს არტერიული წნევა დაურეგულირდეს.