ჰოლივუდის მსახიობმა ანჯელინა ჯოლიმ განაცხადა, რომ შეერთებული შტატებიდან წასვლა სურს.

თუმცა ამის გაკეთება არ შეუძლია, ვიდრე მის შვილებს 18 წელი არ შეუსრულდებათ.

 „ახლა მე იქ უნდა ვიყო,  სადაც მათი მამაა“, - უთხრა ჯოლიმ ჟურნალ Harper's Bazaar-ს.

მსახიობს არ დაუზუსტებია, რომელ ქვეყანაში სურს წასვლა, თუმცა აღნიშნა, რომ ყოველთვის აინტერესებდა აფრიკა.

ჯოლი და პიტი ოფიციალურად აპრილში განქორწინდნენ. განქორწინების პროცესი 2016 წლიდან გრძელდებოდა. 2018 წლის ზაფხულში, ანჯელინამ ქმარი ჭარბი ალკოჰოლის მოხმარებაში დაადანაშაულა. მას შვილებზე ერთპიროვნული მეურვეობის გაფორმებაც სურდა.

დეკემბერში ყოფილი ცოლ-ქმარი მეურვეობის საკითხზე შეთანხმდნენ, ასევე გავრცელდა ინფორმაცია, რომ 43 წლის მსახიობმა გადაწყვიტა, ანდერძი უფროსი შვილის, 17 წლის მედოქსის სასარგებლოდ შეედგინა. უნდა აღინიშნოს, რომ მედოქსი ყოველთვის დედას ემხრობოდა.

მედიის ცნობით,  განქორწინების შემდეგ ჯოლის ჯანმრთელობა გაურესდა, ძალიან გახდა და მისი წონა მხოლოდ 42 კგ-ს შეადგენდა. ანჯელინას ასევე დაუდგინდა სახის კუნთების პარალიზება და ანორექსია.

ჯოლისა და პიტის ურთიერთობა 2005 წელს დაიწყო, როდესაც ბრედი ჯერ კიდევ ჯენიფერ ენისტონზე იყო დაქორწინებული. 2014 წელს ისინი დაქორწინდნენ, წყვილს ექვსი შვილი ჰყვს, სამი ბიოლოგიური, სამი კი აყვანილი.