დინამიკაში იქნება ისეთი ტალღებიც, როდესაც გამოჯანმრთელებულების რიცხვი იქნება უფრო მეტი, ვიდრე დაინფიცირებულების რიცხვი,  – ამის შესახებ საქართველოს ჯანდაცვის მინისტრმა, ეკატერინე ტიკარაძემ განაცხადა.

„დინამიკაში იქნება ისეთი ტალღებიც, როდესაც გამოჯანმრთელებულების რიცხვი იქნება უფრო მეტი, ვიდრე დაინფიცირებულების, რაც არის ძალიან მნიშვნელოვანი და კარგი. ის, რომ რამდენიმე დღის წინ დაინფიცირებულების რიცხვი აღემატებოდა 40-ს და დღესდღეობით არის მხოლოდ 10-მდე, ასეთი დინამიკა ამ ვირუსს ზოგადად ახასიათებს და ეს არ ნიშნავს, რომ პიკი არის გადავლილი, თუმცა ნიშნავს იმას, რომ ყველა ღონისძიება, რომელიც გატარებული იყო სახელმწიფოს და მთავრობის გუნდის მხრიდან, იყო ძალიან მნიშვნელოვანი“.

მინისტრის თქმით ამ ღონისძიებებმა მოგვცა იმის საშუალება, რომ ამ მომენტისთვის სტაციონარებში 305 ადამიანი იმყოფება და არა 2 ან 5 ათასი.

„მესმის ყველა ძალიან გაღიზიანებული ვართ და ეს არის ძალიან რთული, რომ გვიჭირს გადაადგილება და შეზღუდულია ტრანსპორტი, მაგრამ ყოველივე ეს ღონისძიება არის სწორედ ის ინსტრუმენტი, რომელიც გვაძლევს საშუალებას, სოციალური დისტანცირების უმკაცრესი ზომების დაცვის, რის შედეგადაც დღესდღეობით ჩვენ არ გვყავს 2 ათასი და 5 ათასი პაციენტი. არამედ გვყავს მხოლოდ 305 პაციენტი სტაციონარში“, – განაცხადა ეკატერინე ტიკარაძემ.