სუს-ი საოკუპაციო ძალების მიერ 21 წლის ტატო ზარქუას გატაცებას ადასტურებს
სახელმწიფო უსაფრთხოების სამსახურმა ოფიციალურად დაადასტურა, რომ საოკუპაციო ძალების წარმომადგენლებმა გაიტაცეს სამეგრელოს სოფელ რიყის მკვიდრი, 21 წლის ტატო ზარქუა. ინფორმაცია ამის შესახებ პირველად 4 ივლისს გავრცელდა. სუს-ის ცნობით, ამ ფაქტის შესახებ აცნობეს ევროკავშირის სადამკვირვებლო მისიას.
ოჯახის წევრების ინფორმაციით, ის რუსმა სამხედროებმა, საქართველოს ცენტრალური ხელისუფლების მიერ კონტროლირებადი ტერიტორიიდან აიყვანეს.
