ოკუპანტების მიერ გატაცებული ტატო ზარქუა თავისუფალია
ოკუპირებულ აფხაზეთში საოკუპაციო ძალების მიერ გატაცებული ტატო ზარქუა თავისუფალია. ის რუხში ენგურის ხიდით გადმოვიდა.
ტატო ზარქუას გათავისუფლებას ადასტურებენ სახელმწიფო უსაფრთხოების სამსახურში.
ტატო ზარქუას ნათესავების ინფორმაციით, ზარქუა 3 ივლისს საოკუპაციო რეჟიმმა დააკავა. ტატო ზარქუას ე.წ. საზღვრის უკანონო კვეთას ედავებოდნენ. ზარქუა გატაცების ფაქტზე ამოქმედებული იყო ცხელი ხაზი და ჩართული იყო ევროკავშირის სადამკვირვებლო მისია.
