საქართველო, ტურისტული ნაკადის გაზრდის მიზნით ქვეყნის პოზიციონირებას გააძლიერებს. როგორც დოკუმენტში “ქვეყნის ძირითადი მონაცემები და მიმართულებები 2016-2019 წლებისათვის“ აღნიშნულია, იგეგმება საქართველოს ტურისტული პოტენციალის, არსებული ტურისტული პროდუქტების შესახებ ფართო მასებისათვის ინფორმაციის მიწოდების მიზნით სარეკლამო პრომო მასალების მომზადება და ასევე, შიდა და საერთაშორისო ტურისტისათვის საქართველოს შესახებ ინფორმაციის სწრაფად და ეფექტურად მიწოდების უზრუნველყოფა;

იმავდროულად დაგეგმილია, საერთაშორისო და შიდა ბაზარზე საქართველოს ოთხივე ტურისტული სეზონის, სხვადასხვა რეგიონების ტურისტული რესურსისა და ტურისტული პროდუქტის პოპულარიზაციის მიზნით კულტურულ-სპორტული და სხვა ღონისძიებების განხორციელება და ასევე, საქართველოსათვის პრიორიტეტული ბაზრების/ქვეყნების მედია საშუალებებისა და წამყვანი ტურ-ოპერატორებისთვის პრეს და გაცნობითი ტურების ორგანიზება;

საქართველოს, როგორც ტურისტული ქვეყნის, პოზიციონირებისა და ტურისტული ნაკადის გაზრდის მიზნით მოხდება საერთაშორისო გამოფენა-ბაზრობებში მონაწილეობის მიღება;

„ქვეყანაში ტურიზმის განვითარების ხელშეწყობისა და ტურისტული ნაკადის შენარჩუნებისათვის საერთაშორისო და შიდა ბაზრისათვის მრავალფეროვანი ტურისტული პროდუქტის შეთავაზება (ახალი ტურისტული პროდუქტის შექმნა და არსებულის დივერსიფიკაცია); მცირე ტურისტული ინფრასტრუქტურის განვითარება და მომსახურების ხარისხის განვითარების ხელშეწყობა”- აღნიშნულია 2016-2016 წლის სამოქმედო გეგმაში.

საქართველოში არსებული საქმიანი ტურიზმის პოტენციალის წარმოსაჩენად და ამ სახეობის ტურიზმის განვითარების მიზნით კონფერენციების, მოხდება კონგრესებისა და სხვა სახის საერთაშორისო ღონისძიებების მოზიდვა.