სომხეთის ფეხბურთის ფედერაციაში აცხადებენ, რომ ამ მომენეტისთვს სომხეთსა და საქართველოს ნაკრებებს შორის ერთა ლიგის მესამე ტურის შეხვედრის გადატანის შესახებ ინფორმაციას არ ფლობენ.  

საქართველოსა და სომხეთის საფეხბურთო ნაკრებებს შორის მატჩი 11 ოქტომბერს ერევანში, რესპუბლიკურ სტადიონზე უნდა გაიმართოს.

 „ამ მომენტისთვის მატჩის გადატანის შესახებ ინფორმაციას არ ვფლობთ. საქართველო-სომხეთის მატჩი უეფას ეგიდით ტარდება, ამიტომ სომხეთის ფეხბურთის ფედერაციის აღმასრულებელი კომიტეტი უფლებამოსილი არ არის ამ მატჩის გამართვასთან დაკავშირებით რაიმე გადაწყვეტილება მიიღოს“, - განუცხადეს მედიას ორგანიზაციის პრესსამსახურში.

27 სექტემბერს მთიანი ყარაბაღის კონფლიქტის ზონაში, სამხედრო მოქმედებები განახლდა.

 მხარეები ერთმანეთს ადანაშაულებენ.

27 სექტემბერს, აზერბაიჯანის თავდაცვის სამინისტრომ განაცხდა, რომ სომეხმა სამხედროებმა ცეცხლი გაუხსნეს დასახლებულ პუნტქებს ყარაბაღის კონფლიქტის ზონაში. სომხეთი კი თავის მხრივ იუწყებოდა, რომ აზერბაიჯანმა ყარაბაღში საჰაერო და სარაკეტო იერიშები მიიტანა. ორივე ქვეყანაში საომარი მდგომარეობაა გამოცხადებული.