საქართველომ ბელარუსი ანგარიშით 1:0 დაამარცხა
საქართველოს ნაკრებმა "დინამო არენაზე" ევრო 2020-ის პლეი ოფის ნახევარფინალში ბელარუსის ნაკრებს უმასპინძლა და 1:0 დაამარცხა.
ანგარიში მე-7 წუთზე გაიხსნა. გოლი თერთმეტრიანი დარტყმით თორნიკე ოქრიაშვილმა გაიტანა.
საქართველო ფინალში მაკედონიასა და კოსოვოს შორის გამარჯვებულს დაუპირისპირდება. ფინალში გამარჯვების შემთხვევაში, საქართველოს ნაკრები ევროპის ჩემპიონატზე ითამაშებს.