22 წლის ქართველი ძალოსანი რევაზ დავითაძე (89 კგ) 2021 წლის ევროპის ჩემპიონატზე ვერცხლის მედლის მფლობელი გახდა.

მოსკოვში, ევროპის ჩემპიონატზე, ქართველ ძალოსანს პირველობისთვის ბრძოლა ორ სომეხ სპორტსმენთან მოუწია. დავითაძემ ატაცში  2 ცდა (166 და 171 კგ) წარმატებით დაასრულა და მცირე ვერცხლს დასჯერდა.

დავითაძემ მცირე ოქრო მოიპოვა აკვრაში, სადაც 198 და 203 კილოგრამიან შტანგა დაძლია, 205 კგ-ს აწევა კი ვეღარ შეძლო. შედეგად, ჯამური 374 კგ-ით ვერცხლის მედლის მფლობელი გახდა. ჩემპიონობა სომეხმა კარენ ავაგიანმა იზეიმა 375 კგ-ით, ბრინჯაო კი მისივე თანაგუნდელმა ანდრანიკ კარაპეტიანმა (365 კგ) მოიპოვა.