ძიუდოს ევროპის ჩემპიონატის ქართული ფინალში ლაშა ბექაურმა გაიმარჯვა
პორტუგალიის დედაქალაქ ლისაბონში მიმდინარე ევროპის ჩემპიონატის ბოლო დღეს 90 კგ. წონითი კატეგორიის ფინალში ერთმანეთს ქართველი სპორტსმენები – ბექა ღვინიაშვილი და ლაშა ბექაური დაუპირისპირდნენ.
შეხვედრა ლაშა ბექაურმა იპონით მოიგო. შესაბამისად, ევროპის ჩემპიონის ოქროს მედალს ბექაური დაეუფლა, ღვინიაშვილი კი ვერცხლის მედალს დასჯერდა.