ცნობილი ამერიკელი მომღერალი ლედი გაგა ამბობს, რომ  19 წლის ასაკში გააუპატიურეს, რის შემდეგაც დაორსულდა და ფისიქიკური პრობლემები შეექმნა.  იუწყება გამოცემა Page Six.

 “19 წლის ვიყავი, ამ სფეროში ვმუშაობდი. პროდიუსერმა მითხრა: „გაიხადე“. მე უარი ვუთხარი და წასვლა დავაპირე, მათ კი მითხრეს, რომ მთელ ჩემ მუსიკას დაწვავდნენ. ისინი არ ჩერდებოდნენ, რაღაცას ითხოვდნენ. მე უბრალოდ გავიყინე და მერე აღარაფერი მახსოვს“, - ყვება მომღერალი ინციდენტზე.

 პრინც ჰარისა და ტელწამყვან ოპრა უინფრის ახალ გადაცემაში The me you can't see, მომღერალმა ავადმყოფობის შესახებ ისაუბრა, რომელიც გაუპატიურების შემდეგ სტანჯავდა და რომელმაც ფსიქიატრთან მისი ვიზიტი განაპირობა.

„თავიდან სერიოზული ტკივილი ვიგრძენი, შემდეგ კი ყველაფერი დამიბუჟდა. შემდეგ მე ავად ვიყავი კვირების განმავლობაში და მივხვდი, რომ ეს იყო ისეთივე ტკივილი, როდესაც იმ დროს ვიგრძენი, როცა იმ ადამიანმა გამაუპატიურა, მიმაგდო ორსული მშობლების სახლის სიახლოვეს, სადღაც კუთხეში... მე გადავიტანე აბსოლუტური ფსიქიკური აშლილობა“, - თქვა მან და დასძინა, რომ გაიარა უამრავი სამედიცინო გამოკვლევა, რომლებმაც ვერ გამოავლინეს ჯანმრთელობის პრობლემები.

მისი თქმით, განიცდიდა მსგავს შეგრძნებას რამდენიმე წლის განმავლობაში, მათ შორის 2019 წელს, როდესაც „ოსკარი“ მიიღო. თუმცა გაგამ მოძალადის ვინაობა არ გაამხილა იმ მიზეზით, რომ იმ ადამიანის გახსნება მეტად აღარ სურდა.