კინოკომპანია Knightsbridge Entertainment-ის წარმომადგენელმა ინფორმაცია ლეონარდო დი კაპრიოს მიერ ფილმში ”პუტინი” მთავარი როლის შესრულების შესახებ უარყო. ამის შესახებ რია ნოვოსტი კომპანიის ტოპ-მენეჯერზე ვალერი საარიანზე დაყრდნობით იუწყება.

”ჩვენ არანაირი განცხადება არ გაგვიკეთებია, არ ვიცი საიდან გაჩნდა ინფომაცია დი კაპრიოსთან შეთანხმების შესახებ”, - განაცხადა მან. საარიანი მიიჩნევს, რომ ინფორმაციის წყარო შესაძლოა გამხდარიყო გერმანულ გამოცემა Welt am Sonntag-ში გამოქვეყნებული პუბლიკაცია. მსახიობმა ინტერვიუში რუსეთის პრეზიდენტის როლის შესრულების სურვილი გამოთქვა.

საარიანის თქმით, კასტინგში ოთხი მსახიობი მონაწილეობს და ფილმს ორგზის ოსკაროსანი რეჟისორი გადაიღებს.

ფილმის გადაღებები 2016 წლის გაზაფხულზე დაიწყება.