ერთ-ერთი ყველაზე სწრაფად მზარდი მიმართულება ფინანსურ ბაზარზე მიკროსაფინანსო ორგანიზაციებია, რომელთა აქტივები 2014 წლის IV კვარტლიდან მოყოლებული 28%-ითაა გაზრდილი.

თსუ ანალიზისა და პროგნოზირების ცენტრის საქართველოს საფინანსო სექტორის უახლეს მიმოხილვაში აღნიშნულია, რომ 2008 წელს აღნიშნული მაჩვენებელი დღევანდელს თითქმის 20-ჯერ ჩამოუვარდებოდა და სულ რაღაც 74 მილიონ ლარს შეადგენდა. ცნობილია, რომ მიკროსაფინანსო ორგანიზაციების სიმრავლეს მოსახლეობის მხრიდან ნაკლებად პრობლემატური სესხების მიღების მაღალი სურვილი განაპირობებს, მითუმეტეს ისეთ დაბაშემოსავლიან ქვეყნებში, როგორიც საქართველოა.

2014 წლის IV კვარტლიდან 2015 წლის მეორე კვარტლამდე მიკროსაფინანსო ორგაზაციების მიერ გაცემული სესხების წმინდა მაჩვენებელი 30%-თაა გაზრდილი და ისტორიულ მაქსიმუმზეა - თითქმის 1.1 მილიარდი ლარით. მათ მიერ გაცემული სესხების 3/4 თავის მხრივ მათ მიერ ნასესხები სახსრებია. სისტემა შესანიშნავად ფუნქციონირებს.