ნიკოლოზ ბასილაშვილმა ტოკიოს ოლიმპიადაზე პირველი შეხვედრა მოიგო
ნიკოლოზ ბასილაშვილმა ტოკიოს ოლიმპიადაზე პირველი შეხვედრა მოიგო. ქართველმა ჩოგბურთელმა 1/32-ფინალში ესპანელ რობერტო კარბალეს ბაენას აჯობა. ბასილაშვილმა მეტოქე ორ სეტში სძლია - 6:3, 6:2.
მან მეტოქის გეიმი ორჯერ მოიგო და სეტი გამარჯვებამდე მარტივად მიიყვანა - 6:3.
ბასილაშვილმა მეორე სეტში ესპანელის პირველივე მოწოდება მოიგო. მან 4:2-ზე ბაენას კიდევ ერთხელ აჯობა და შეხვედრა საბოლოო გამარჯებამდე მიიყვანა.
ქართველი ჩოგბურთელი 1/16-ფინალში იაპონელი ტარო დანიელისა და იტალიელი ლორენცო სონეგოს წყვილში საუკეთესოს გაეჯიბრება.