დღეს ლეგენდარული ათლეტი, სამგზის ოლიმპიური ჩემპიონი, ევროპის მრავალგზის ჩემპიონი, მსოფლიოს სამგზის რეკორდსმენი, საქართველოს მიერ XX საუკუნის საუკეთესო სპორტსმენად აღიარებული მძლეოსანი ვიქტორ სანეევი სიდნეიში დაკრძალეს.

სიდნეში სამგლოვიარო ცერემონიაზე "ცისფერი ტრიოს" შესრულებით ორი ქართული სიმღერის ჩანაწერი "ზამთარია" და "საქართველოო ლამაზო" მოისმინეს.

საქართველოს ეროვნული ოლიმპიური კომიტეტის განცხადებით, სანეევის ოჯახს შესთავაზეს ლეგენდარული სპორტსმენის ნეშტის საქართველოში ჩამოსვენება და სათანადო პატივით დაკრძალვა საზოგადო მოღვაწეთა პანთეონში. ოჯახის განცხადებით, მიიღეს რთული გადაყვეტილება და დაკრძალვა სიდნეიში გადაწყდა, რადგან შორი მანძილის გამო, საფლავის მონახულებას ხშირად ვერ შეძლებდნენ.

ვიქტორ სანეევი, დიდი სპორტიდან წასვლის შემდეგ, თავის მეუღლესთან და ვაჟიშვილთან ერთად უკანასკნელი 30 წლის მანძილზე ავსტრალიაში, სიდნეიში ცხოვრობდა და 2022 წლის 2 იანვარს იქვე აღესრულა 76 წლისა.

ვიქტორ სანეევი იყო საერთაშორისო ოლიმპიური კომიტეტის ორდენის, ვახტანგ გორგასლის I და II ხარისხის ორდენების, ღირსების ორდენის და ბრწყინვალების საპრეზიდენტო ორდენის კავალერი.

ვიქტორ სანეევი ოლიმპიური ჩემპიონი გახდა მეხიკოს (1968), მიუნხენის (1972) და მონრეალის (1976) ოლიმპიადებზე.

თბილისის საკრებულოს ინიციატივით, ვიქტორ სანეევის სახელის უკვდავსაყოფად, დედაქალაქის ერთ-ერთ ქუჩას ლეგენდარული სპორტსმენის სახელი მიენიჭება