ლალი მოროშკინა მომღერალ ნინო ჩხეიძეს უპირსიპრდება.  მოროშკინა თქმით, უნდა შეწყდეს ქურდული სიმღერების პროპაგანდა, რომელიც ჩხეიძის ახალ რადიოში „შანსონი“ გადის.

„ნინო ჩხეიძემ „აფხაზეთის ხმის“ ბაზაზე გახსნა რადიო „შანსონი“ და ამას კატეგორიულად ვემიჯნები, იმიტომ რომ ეს არის რუსული ქურდული სიმღერები, ქურდულ ტრადიციებს უმღერის და უნდა შეწყდეს რადიო „შანსონით“ რუსული ქურდული სიმღერების პროპაგანდა“, - განაცხადა ლალი მოროშკინამ ტელეკომპანია „პირველთან“ საუბრისას.

რაც შეეხება ნინო ჩხეიძეს, მომღერალმა ლალი მოროშკინას ამავე ტელეკომპანიის მეშვეობით გასცა პასუხი და ამბობს, რომ რადიო „შანსონი“ „აფხაზეთის ხმის“ ჰოლდინგში შედის და ამ რადიოს ფორმატი მოითხოვს რუსული სიმღერების გაშვებას.

„აფხაზეთის ხმა არის ჰოლდინგი, რომლშიც შედის სამი რადიო. თვითონ რადიოს ფორმატი მოითხოვს, რომ გავიდეს რუსული სიმღერები. რადიო „შანსონი“ სულ ახლახანს გაიხსნა. ძალიან დიდი მოთხოვნილებაა რუსულ სიმღერებზე“, - განაცხადა ჩხეიძემ.