საქართველოს რაგბის ნაკრებმა ბათუმის არენაზე, ისტორიაში პირველად იტალიის ნაკრებს უმასპინძლა და 28:19 დაამარცხა.

„ბორჯღალოსნებს“ იტალიელების წინააღმდეგ ჩატარებული 4 შეხვედრიდან ოთხივე წაგებული ჰქონდათ.

პირველი ლელო ჩვენმა გუნდმა მატჩის მე-11 წუთზე დადო – სანდრო თოდუამ საქართველოს ნაკრები დააწინაურა 5:0.

მე-14 წუთზე თედო აბჟანდაძემ ლელო დადო და გარდასახვაც ზუსტად შეასრულა 12:0.

მეტოქემ ამის შემდეგ ჩვენი შეცდომებით ისარგებლა და ზედიზედ 13 ქულა მოიპოვა. მიუხედავად ამისა, ტაიმის ბოლოს კვლავ მოვახერხეთ წინ გასვლა.

მეორე ტაიმში, 69-ე წუთზე გელა აფრასიძემ ბრწყინვალე ჯარიმა შეასრულა და საქართველოს ნაკრები 9 ქულით დააწინაურა. საბოლოო ჯამში 9 ქულით გავიმარჯვეთ.

ამრიგად, საქართველოს რაგბის ნაკრებმა ისტორიაში პირველად ტიერ 1-ის წარმომადგენელი დაამარცხა და 6 ერის ტურნირზე შესასვლელად უდიდესი ნაბიჯი გადადგა.

16 ივლისს "ბორჯღალოსნები" ქუთაისში, "აია არენაზე" პორტუგალიას უმასპინძლებენ.