ჩეხეთის პრეზიდენტის პრეს-სპიკერი ირჟი ოვჩაჩეკი დაქორწინდა უკრაინელ ლტოლვილზე, რომელიც მან სახლში შეიფარა.

ინფორმაციას უკრაინული მედია ჩეხურ ტაბლოიდ "Blesk"-ზე, დაყრდნობით ავრცელებს.

43 წლის ოვჩაჩეკი გასულ კვირას დაქორწინდა და თაფლობის თვეს ჩეხეთში ატარებს. გამოცემის ცნობით, ის თავის რჩეულს გაზაფხულზე შეხვდა. ოვჩაჩეკის ცოლი უკრაინელია, მათ ერთმანეთი მაშინ გაიცნეს, როდესაც ირჟიმ ქალს ლტოლვილების დახმარების ფარგლებში საცხოვრებელი სახლი შესთავაზა. პრესსპიკერის რჩეულს ჰყავს სკოლამდელი ასაკის ვაჟი.

ოვჩაჩეკი ჩეხეთის პრეზიდენტის მილოშ ზემანის  პრესსპიკერი 2013 წლიდანაა.

ზემანი, რომელიც ომამდე ევროკავშირში კრემლის ყველაზე ახლო მეგობრად იყო მიჩნეული, აგვისტოში აცხადებდა, რომ რუსეთმა ვერაფერი მიიღო და უკრაინაზე თავდასხმით ფაქტობრივად ყველაფერი დაკარგა.

ზემანმა ასევე მხარი დაუჭირა  უკრაინისთვის იარაღის შემდგომ მიწოდებას და უკრაინელი ჯარისკაცების სწავლებაში ჩეხეთის მონაწილეობას.