საქართველოს კალათბურთელთა ნაკრები იტალიასთან დრამატულ ბრძოლაში დამარცხდა
საქართველოს საკალათბურთო ნაკრებმა მსოფლიოს 2023 წლის ჩემპიონატის საკვალიფიკაციო ციკლში მორიგი მატჩი იტალიასთან ჩაატარა და 84:85 დამარცხდა.
აქამდე იტალიასთან ჩვენმა გუნდმა 10-ჯერ ითამაშა და გამარჯვების მოპოვება ერთხელაც ვერ მოახერხა.
საქართველოს ნაკრებს მსოფლიოს ჩემპიონატის საკვალიფიკაციო ციკლში 2 მატჩი დარჩა ჩასატარებელი. ილიას ზუროსის შეგირდები გაისად 23 თებერვალს ჯგუფის აუტსაიდერ ნიდერლანდებს ესტუმრებიან, 26-ში კი თბილისში ისლანდიასთან მატჩია დაგეგმილი. მიიღებს თუ არა საქართველო ისტორიულ საგზურს, დიდი ალბათობით, სწორედ ბოლო შეხვედრაში გადაწყდება.