საქართველოს ნაკრები, არაბეთის გაერთიანებულ საამიროების ქალაქ შარჯას სტადიონზე, მუნდიალის მონაწილე მაროკოს ნაკრებს დაუპირისპირდა, 0:3 დამარცხდა და 11-მატჩიანი წაუგებელი სერია შეწყვიტა.

რამდენიმე წამყვანი მოთამაშის (კვარაცხელია, ზივზივაძე, კაკაბაძე, ხოჭოლავა, მიქაუტაძე, ჩაკვეტაძე) გარეშე დარჩენილ საქართველოს ეროვნულ გუნდს ძალიან გაუჭირდა. მაროკოს ნაკრებმა პირველივე წუთებიდან უპირატესობა მოიპოვა.

პირველი ტაიმი 0:2 დასრულდა. მაროკოელებმა გოლები მე-5 (იუსუფ ენ-ნესირი) და და 29-ე წუთზე (ჰაკიმ ზიეში) გაიტანეს. მეორე ტაიმში, 72-ე წუთზე კი სოფიან ბუფალიმ პენალტი გაიტანა.

მაროკოს ნაკრები მსოფლიო ჩემპიონატზე F ჯგუფში ბელგიასთან, კანადასთან და ხორვატიასთან ითამაშებს.