კრიშტიანუ რონალდუმ მანჩესტერ იუნაიტედი დატოვა. კლუბმა ინფორმაცია ოფიციალურად დაადასტურა.

"კრიშტიანუ რონალდუ ტოვებს მანჩესტერ იუნაიტედს ორმხრივი შეთანხმების საფუძველზე. ეს გადაწყვეტილება ძალაში დაუყოვნებლივ შედის. კლუბი მადლობას უხდის მას უზარმაზარი წვლილისთვის იუნაიტედში ყოფნის ორივე პერიოდში", - წერს კლუბი "ტვიტერში".

ჯერჯერობით, უცნობია, სად გააგრძელებს 37 წლის კრიშტიანუ რონალდუ საფეხბურთო კარიერას, თუმცა დღეიდან ის თავისუფალი აგენტია და ნებისმიერ კლუბთან შეუძლია კონტრაქტის გაფორმება. 

რონალდუმ მანამდე მანჩესტერ იუნაიტედის ხელმძღვანელობა ჟურნალისტ პიერ მორგანთან ინტერვიუში გააკრიტიკა. თავდამსხმელმა ასევე თქვა, რომ მთავარ მწვრთნელ ერიკ ტენ ჰაგს პატივს არ სცემს.